GREEN YOUR CHINESE NEW YEAR 2016

新年流流,總是送走大掃除的餘物,然後家中又迎來大量的禮品、利是,同埋食極都食唔完的新年食品。過肥年的背後是大量的浪費。網上的環保訊息繚亂,各位 JUPPERS 睇到一樣又睇品到一樣。執嘢團隊特此整理一些 GREEN YOUR CHINESE YEAR 的貼士,希望各位多多運用: 1. 使用天然清潔劑 年年都講啦﹗其實家有白醋、蘇打粉和環保酵素就天下無敵㗎喇。白醋加蘇打粉,簡直係史上最犀利嘅去漬劑囉,白醋具消毒作用,用嚟洗地又快乾。如果你無泡不歡,可以用廢油調嘅家事皂,好多環保有機店都有得賣,例如 Organic WE、饗璫璫、天經地義生活館咁。另一去油勝手係茶籽粉,都係好易買㗎咋。 Core Jupper Catherine 之前為咗我哋個綠色家居清潔工作坊,搵咗啲家居清潔文章,希望大家啱用: 蛋殼與蔬果皮如何再利用有妙招 舊絲襪好洗得醒你9大用途 環保酵素用法 醋是萬能的清潔劑 浴室清潔與小梳打 2. 揀選合適的禮品 非常明白送禮要體面的傳統,唔係一時三刻可以改變。但係送人哋唔啱嘅禮,同送垃圾要人處理有咩分別?送之前請諗一諗:對方係唔係真係咁鍾意食金莎?人哋一年到晚食唔食到一盒蛋卷啦。同埋,好多蚊型社企都有製作自家製賀年禮品,支持基層和本土生產,又肯定安全健康。最近就喺天經地義生活館瞄到盒土作坊禮盒,打算送俾長輩。 3. 用風呂敷包禮物 近期執嘢密搞風呂敷工作坊,都係想大家摒棄即棄購物袋和禮物紙。其實大家都只係在乎禮物包入面個餡,何不用可以重用再重用的花袋包禮物呢?市面上某些地方都有風呂敷賣的,包括 LUSH、無印和誠品等。如果你覺得包一份禮物買一塊巾好貴,強烈推介大家摷令壽堂已經十年冇用的絲巾,或者將靚靚印花舊衣剪成方形包禮物。以下有個簡單的示範圖,教大家唔同的綁法。我哋都連同 Mist Production 製作了幾個簡單示範影片,大家好快就有得睇喇。 4. 環保利是封 有理由相信,如果將成個香港現有的新利是封湊埋一齊,應該夠所有香港人用一個世紀。年年各大銀行、品牌、公司都印一大堆只係為了讓大家拆﹗好浪費呢﹗早前行經 LUSH 見到各門店大派回收得到的二手利是封,仲要新簇簇添﹗如果各位父母想俾啲小朋友,叫佢哋幫手用紅紙摺利是封啦﹗執嘢上年新年活動都教過,仲拍埋片教大家添: 5. 回收 過個年肥得滯,剩低嘅嘢點算?送俾人又好,捐俾人又好啦﹗你知唔知聖雅各福群會眾膳坊「賀年禮品轉贈計劃」年年都收賀年食品?現在直至3月10日前收賀年禮盒、米糧、麵類、罐頭食品、麥片、餅乾及耐存食品。海報如下: 桃花都有回收站: 至於利是封,綠領行動年年都回收的。今年回收期係2月16日 至 3月4日,但係回收詳情就未公佈。   執嘢仝人恭賀綠色新禧,恭喜恭喜﹗

REPORT:捐贈BOXING DAY POP UP SWAP剩餘衣物

大家沒有看到我們在BOXING DAY POP-UP SWAP後有大量衣物剩低。也沒有所謂,反正活動的其中一個目標是收集大家的冗餘物資並作出有效的分配。我們已經將部分的衣物重新放上網待人認領。另邊廂,我們挑選了部分衣物捐出,以免囤積過多衣物(加上我們的貯存空間——我家天台一角——非常有限)。 為了大家的衣物得到最好的歸宿,我們不希望草草將衣物倒進舊衣回收箱裡去。原因有二:那些環保舊衣回收箱收集的物品之後的用途;既然衣物都仍然有市場價值,何不轉贈可能會想穿的人,到了再無轉贈價值才放進每日都不知收集幾多噸衫的回收箱?於是我們揀選少量仍然可能留待下次SWAP時再用的衣物之後,再揀選大概十多件毫不fashionable的衣物放入回收箱,另外再選了比較Fashionable但可能不太適合用來swap的衣物(亦即是較適合成熟女性的衣物)捐到聖雅各福群會的Green Ladies二手時裝店。 我冇數過這兩袋有幾多件衫,估計大概40件左右。全部都是比較適合成熟女性的裙、袋、衫等。 近期各方傳媒都稍有報導過Green Ladies一店。原來是售賣捐贈衣物,但最近改為寄賣形式,目的是希望可以收集較fashionable的衣物以將時裝店的形象升格。同時聘用中年婦女當售貨員,為她們提供就業機會。真真正正為慈善但認真做生意的社企。我之前已經同負責人在電話傾過,之後決定篩選過的靚衫才拿過去。結果都符合我預期,小店的衣物比較Lady,但的確不錯。我到達的時候正有幾位女士挑選衣物,看來雖然位置不太方便,但都算挺撐得來。 放低兩袋衫,拿走一張收據,就走了。可是我臨走前看到兩對Vivienne Westwood x Melissa高跟鞋。一對黃,一對橙,兩對都是黑色心形。售賣是HKD218!!! 真的有幾秒有衝動想買。要不是趕時間我可能會在內大破費,所以我覺得此店絕對值得造訪!! Green Ladies灣仔石水渠街85號地下閣樓http://www.facebook.com/sjsgreenladies