“No Impact Man” Screening

image

image

搞了這麼多次換物會,終於有一次係簡單輕鬆及完全不費力的小活動喇﹗搞了2013年度春季換物、拿到 ROAD SHOW 的綠星級大獎、JUPYEAH.COM 又推出了之後,我們希望執嘢應該做的比單單推廣「以物換物」更加多,於是我們開始構思怎樣將正確的生活態度傳開去,單純的將行為植入他人的生活中並不足夠,最重要的還是改變思想,而放映會係一個好好的熱身活動。

上週五,有幸得到實現會社借出地方,讓我們搞了第一次簡簡單單的「執嘢執到睇好戲:《No Impact Man》放映小聚」。

image

點解揀《No Impact Man》,原因很簡單。它已經係相關的紀錄片當中最具娛樂性的一齣,而且對於都市人而言可謂極具感染力。一個在紐約市中心的平常人、平常家庭,丈夫是作家,太太是《Business Week》的編輯,典型購物狂、電視精,但係為著丈夫決意用一年時間嘗試做過零碳生活的試驗,他們在生活上嘗試過很多不同的改動。女兒不再用即棄尿片,改用有機尿布;謝絕星巴克的即棄紙杯咖啡;謝絕 serve 入口食物的至愛餐廳,改食 Local Food、幫襯冇用包裝的 Farmers’ Market;唔搭車,改坐單車和曾經型到爆的 scooter;為了將垃圾及化學品使用量減至最低,唔再用那些標籤環保的家用品,改為自製清潔品;不用洗衣機、搬走電視機、用非洲古法取代雪櫃(但唔太成功);養蚯蚓食廚餘;甚至有半年大掣保持關上。

image

image

有幸的是,睇完戲之後大部分 Juppers 都願意留低同我們傾了好耐,我們的生活可以點樣綠化一點。最高興是知道原來有一位 Jupper 都係用布造 M 巾 (YEAH!)﹗就如我們談過的一樣,我們可以做的其實很多,例如:

  • 自製清潔用品,個人真係覺得白醋(乾貨舖賣HKD10一大枝)、梳打粉、茶籽粉已經夠晒數。
  • 將即棄品和包裝減至最低,其實你開一句聲,店員唔會硬要你拎走的,自備 cutlery、容器、購物袋、講一足「唔使袋喇唔該」、「我唔要紙杯」唔係咁難囉
  • 改用天然護膚品、有機化妝品,因為一般人永遠不知道那些神效的用品其實有甚麼有害化學物
  • 食 Local Food,支持本地農業
  • 食素,今日動新聞有段好好的片解釋點解
  • 回收廚餘
  • 多行路,少搭車——否則再過幾代,你的後代的腿部功能會退化喇
  • 女士們,真係考慮一下用布造 M 巾,就如我在席間所說,感覺係良好得多,因為 M 巾美觀得多,實在係會期待一點。我自己選用的來自這間 ETSY 小店
做這些不是功德,而是作為人的基本責任。有句諺語話現代人所享用的資源,係向下一代借回來的,此言甚是。就如可持續發展最傳統的定義是「development that meets our own needs without compromising the ability of future generations to meet their needs」。請好好負責任地 Low Impact。
Have a nice week, Juppers 🙂

Leave a Reply